Osyǵan oraı, oblystyń aýyl sharýashylyǵy taýar óndirýshileri quny 135,6 mln teńge bolatyn 262 tonna kókónis kerýenin Astanaǵa jóneltti. Onyń ishinde jylqy eti – 22 tonna, kúrke taýyq eti – 15 tonna, un ónimderi – 10 tonna, qyzanaq – 71 tonna, qııar – 71 tonna, sút ónimderi – 7 tonna, shujyq ónimderi – 3 tonna, balyq ónimderi – 3 tonna, qymyran – 1 tonna, 10 myń dana jumyrtqa bar.
«Saıası mańyzy bar sharany joǵary deńgeıde ótkizýge elimizdiń barlyq oblystary qyzý daıyndalyp jatyr. Ońtústik óńiri de óz úlesin qosýda. Myna búgingi shara sonyń aıqyn dáleli. EKSPO kórmesine ońtústiktiń sharýalary alǵashqy ónimderin jóneltip otyr. О́nimderdi Astanaǵa jetkizý úshin tońazytqyshtarmen qamtylǵan 25 kólik saqadaı saı tur», dedi oblys ákiminiń orynbasary Baýyrjan Jamalov.
Ońtústik Qazaqstan oblysy EKSPO kórmesi aıasynda 6 ret jármeńke ótkizedi. Osy aralyqta ońtústiktiń sharýalary aýyl sharýashylyǵy ónimderiniń 28 túrinen 12 myń 976 tonna taýar jóneltedi. Bul maqsatta oblystan 35 iri jáne qosalqy sharýa qojalyqtary men kásiporyndary iriktelip alynǵan.
Aıta keteıik, otandyq ónimderimiz qala turǵyndary men qonaqtarǵa jármeńke túrinde usynylatyn bolady.
